Kryeministri i Kosovës Albin Kurti, ka njoftuar se krahas aksionit kundër grupit terrorist, policia iu ka dërguar 100 pako ushqimore banorëve serbë të fshatit Banjskë në Zveçan.
Kurti tha se organet e rendit janë në shërbim të tyre.
“I falënderoj qytetarët tanë për qetësinë, maturinë dhe besimin e tyre”, tha Kurti.
Në orët e para të së dielës, policia u sulmua nga një grup terrorist i armatosur, me ç’rast mbeti i vrarë rreshteri Afrim Bunjaku.
Policia gjatë aksionit Anti-terror, i ka vrarë tre pjesëtarë të këtij grupi derisa sipas të dhënave zyrtare janë arrestuar tetë persona.
Po ashtu jan konfiskuar edhe një sasi e madhe e armëve, në mesin e tyre edhe autoblinda dhe mjete të rënda/ Klankosova.tv
