Kurti për krimet serbe në Qyshk, Pavlan, Zahaq dhe Llabjan: Drejtësia e vonuar është drejtësi e mohuar

PUBLIKUAR

Kryeministri i vendit, Albin Kurti, në 23 vjetorin e krimeve serbe të kryera në Qyshk, Pavlan, Zahaq dhe Llabjan ka përkujtuar të gjithë të vrarët.

“Krime të tmerrshme u kryen në këto fshatra 23 vjet më parë, duke lënë të vrarë 44 persona në Qyshk, 17 në Zahaq, 21 në Pavlan dhe 13 në Llabjan. Krahas vrasjeve, nga këto fshatra janë dëbuar me dhunë qindra civilë dhe janë plaçkitur e djegur një pjesë e madhe e shtëpive”.

“Për të gjithë ata që e kanë përjetuar luftën e fundit në Kosovë në këtë zonë, ju kujtohet që gjatë majit 1999 në të gjitha këto fshatra, plaçkiteshin, ndaheshin burrat nga gratë, kryhej pushkatimi dhe digjeshin shtëpitë me kufoma brenda”.

Mes tjerash, Kurti se për krimet e njëpasnjëshme mungojnë gjykimet teksa tregon për një aktakuzë që u ngrit në vitin 2010.

“Zakonisht për raste të tilla mungojnë gjykimet. Mungojnë vendimet. Mungojnë aktakuzat. Por në rastin e masakrave në fjalë, për disa prej vrasjeve u iniciua gjykimi në Beograd, si rezultat i kallëzimit penal të bërë nga Fondi për të Drejtën Humanitare. Aktakuza ishte ngritur në vitin 2010, ndërsa në shkurt të vitit 2014 me Aktgjykim të shkallës së parë tre persona u dënuan me nga 20 vjet burgim, një me 15 vjet, një me 12 vjet, një me 10 vjet, një me 5 vjet, dy me nga 2 vjet burgim, ndërsa ndaj dy personave u tërhoqën akuzat”.

“Por, në shkurt të vitit 2015 Departamenti për Krime Lufte i Gjykatës së Apelit në Beograd anuloi aktgjykimin e shkallës së parë dhe ktheu lëndën në rigjykim. Prej 2015-ës disa të akuzuar kanë vdekur, e disa janë larguar nga aktakuza për shkak të gjendjes së keqe shëndetësore. Megjithatë qysh prej vitit 2015, gjykimi është akoma duke vazhduar. Prej vitit 2015, s’ka asnjë rezultat konkret. Përkundër faktit që janë dëgjuar 116 dëshmitarë në këtë rast, akoma sot, në vitin 2022, nuk ka asnjë të dënuar me Aktgjykim përfundimtar”, ka shkruar Kurti në Facebook.

Tutje, Kurti thotë se drejtësia e vonuar është drejtësi e mohuar dhe se viktimat meritojnë të pushojnë në paqe, e familjet të jenë të qetë duke e ditur që kriminelët kanë marrë dënimin e merituar.

LAJME TË TJERA

Dafina “mendon shumë”

Këngëtarja Dafina Zeqiri është shfaqur sonte në  Instagram me disa fotografi, por ajo që...

Afërdita Dreshaj shfaq linjat trupore nga fitnesi

Modelja dhe këngëtarja, Afërdita Dreshaj ka disa kohë që nuk është aktive me ndonjë...

Inspektorëve serbë iu ndalen 40 për qind e pagave

Komisioni disiplinor ka marrë masa ndaj inspektorëve të cilët nuk kishin kryer përgjegjësitë e...

Specialja me hetime sekrete për rrjedhjen e dokumenteve të tyre

Dhomat e Specializuara i kanë shpallur fajtor ish-udhëheqësit e OVL e UÇK-së, Hysni Gucatin...

SHIKO MË SHUMË

Inspektorëve serbë iu ndalen 40 për qind e pagave

Komisioni disiplinor ka marrë masa ndaj inspektorëve të cilët nuk kishin kryer përgjegjësitë e...

Specialja me hetime sekrete për rrjedhjen e dokumenteve të tyre

Dhomat e Specializuara i kanë shpallur fajtor ish-udhëheqësit e OVL e UÇK-së, Hysni Gucatin...

Gjuriq i lajmërohet Kurtit pasi e quajti Vuçiqin autokrat

Ambasadori i Serbisë në Shtetet e Bashkuara të Amerikës, Marko Gjuriq ka reaguar pasi...