Alfa Romeo 166 mund të mos jetë makina me pamjen më të mirë dhe më emocionuese që prodhuesi italian ka prodhuar ndonjëherë, por gjithsesi ka meritat e veta.

Si një sedan i Alfa-s, kjo makinë kishte ofruar një numër opsionesh motorësh për blerësit e makinave nga 1999 në 2007, shkruajnë mediat e huaja, përcjell Telegrafi.

Në krye të atyre opsioneve të motorit ishte 3.0-litër V6 i ofruar në modelin TS dhe që mund të prodhojë deri në 223 kuaj fuqi.

Modelet e pajisura me një kuti ingranazhesh me pesë shpejtësi kanë një shpejtësi maksimale të deklaruar prej 243 kilometra në orë, me një sprint 0-100 km/h të arritur në 7.8 sekonda.

Por çfarë tani bën përshtypje është fakti se edhe rreth dy dekada pasi u prezantua modeli i parë, Alfa Romeo ka akoma atë që duhet për të arritur shpejtësinë e saj maksimale.

Dhe një video nga AutoTopNL në YouTube – e vendosur më poshtë – synon ta zbulojë këtë.

Me sa duket e bërë në seksionet e pakufizuara të autostradave gjermane, ju mund të shihni se shpejtësimatësi arrin rreth 250 km/orë deri në fund të videos, ndërsa pajisja e bazuar në GPS shfaqi 242 km/orë, e cila ishte më pak se numrat zyrtarë.

Kjo është mbresëlënëse, sigurisht, veçanërisht duke marrë parasysh moshën e këtij sedani mjaft të zakonshëm. /Telegrafi/