Agjencia ajrore e Britanisë së Madhe “British Airways” ka njoftuar sot se pret që të gjitha fluturimet e parapara për sot të kryhen nga aeroportet e Londrës “Heathrow” dhe “Gatwick”, pasi që rrjeti i saj kompjuterik është riparuar pas një ndërprerje të furnizimit me rrymë.
Mbi 75 mijë udhëtarë mbeten të bllokuar në këto dy aeroporte gjatë fundjavës si pasojë e këtij incidenti, transmeton Express.
“Sistemi jonë i IT-së është kthyer në normalitet dhe po punon siç duhet dhe operimi jonë po punon sipas planit me një orar të plotë të fluturimeve në ‘Heathrow’ dhe ‘Gatwick’”, ka thënë kjo kompani në një komunikatë.