Kryetari KBI-Lipjan ka uruar Kurban Bajramin.

Urimi plotë:

Të nderuar besimtarë, vëllezër e motra!

Në emër të Këshillit të Bashkësisë Islame në Lipjan, iu urojmë festën e Kurban Bajramit, këtë festë të bekuar dhe me vlera fetare, shoqërore, humanitare e kulturor, me shpresë dhe lutje te Zoti I mëshirshëm, që Ai t’i pranojë ibadetet, adhurimet, sakrificat dhe veprat tona të sinqerta.

Kurban Bajrami është shembull i besimit e adhurimit tonë ndaj Zotit të Madhëruar, shembull i sakrificës dhe respektit. Kjo festë na fton të falënderojmë Allahun për mirësitë e shumta që na i dhuron.
“Ne, vërtet, të dhamë ty shumë të mira, andaj, ti falu dhe prej kurban për hirë të Zotit tënd” (Kevther 1-2)
Therja e Kurbanit, punët e mira, solidariteti me të varfërit, kujdesi për jetimët, mëshira ndaj njerëzve, largimi nga e keqja, urrejtja dhe padrejtësia, janë mesazh i qartë i kësaj feste.
Kjo festë ndërlidhet me kryerjen e haxhit, obligimi i pestë islam, ku besimtarë nga të gjitha vendet e botës mbidhen në një vend, në Qabën e bekuar, tokën e shenjtë të Arafatit, pjesë e të cilës janë edhe hanxhinjtë e vendit tonë, ku të gjithë të bashkuar me lutje të shumta i drejtohen Krijuesit të Gjithësisë.

Besimtarë të nderuar!

Lutemi që në këtë ditë të bekuar, Zoti të na dhuroj paqë, mëshirë, solidaritet e tolerancë në popullin tonë.
Këto ditë festive janë edhe më të vequara, kur afër nesh i kemi bashkëatdhetarët tanë, që janë begatia e familjes dhe shoqërisë sonë, lutemi që Zoti të i ruaj.

Vëllezër e motra!
Ky Islam na porosit që të jemi produktiv në këtë vend. Mësimet e Muhamedit a.s japin mesazh që: “ Njeriu më i mirë dhe më i dashur tek Zoti është ai i cili është më i dobishëm për shoqërinë”
Urime e gëzuar Kurban Bajramin, Allahu ju dhuroftë begati, lumturi, e gëzim në familjet tuaja.

Kryetari i KBI Lipjan
Zaim Baftiu