Kryetari i Komunës, Imri Ahmeti ka pritur në takim kryetarin e Bashkësisë Islame të Kosovës, myftiun Naim Tërrnava, i cili shoqërohej nga kryetari i BI-së në Lipjan, Zaim Baftiu dhe bashkëpunëtorë të tjerë, me të cilin kanë biseduar për një bashkëpunim sa më të frytshëm në shërbim të qytetarëve, njoftoi Komuna.

Me këtë rast, kryetari Ahmeti, ka potencuar nivelin e lartë të bashkëpunimit me Bashkësinë Islame, me imamët dhe me xhematin në Lipjan, në mënyrë që së bashku të kontribuojnë në mirëqenien e të gjithë qytetarëve pa dallim si dhe në kultivimin e harmonisë dhe tolerancës ndërfetare e që tani është në nivelin e duhur në Komunën e Lipjanit, ka thënë ndër të tjera Kryetari Ahmeti.

Nga ana tjetër, myftiu, Naim Tërrnava, theksoi se kjo është një përgjegjësi shumë e madhe, por edhe privilegj të jesh në shërbim të qytetarëve duke e vlerësuar edhe vullnetin e Komunës së Lipjanit për një bashkëpunim të mirë me Bashkësinë Islame.