Kryetari i Komunës së Lipjanit, Imri Ahmeti në emër të të gjitha institucioneve komunale, ngushëllon familjen Rrahmani për vdekjen e familjarit të tyre Lorik Rrahmani, si pasojë e lëndimeve të marra në aksident trafiku.
E nderuar familje Rrahmani,
Në këtë ditë tejet të vështirë, pranoni ngushëllimet më të sinqerta për humbjen e më të dashurit tuaj, Lorik Rrahmani.
Jo vetëm familja, por i gjithë qyteti i Lipjanit humbi një djalë të ri, të urtë e të edukuar, një nxënës shembullor në shkollën fillore “Ernest Koliqi” në Babush.
Sot bashkëndjejmë dhimbje të madhe së bashku me ju dhe gjithë qytetarët lipjanas.
Ngushëllime familjes Rrahmani!
Ngushëllime shokëve dhe shoqeve të Lorikut!
Ngushëllime gjithë qytetit të Lipjanit!