Kryetari i Komunës së Lipjanit, Imri Ahmeti ka mbajtur debat publik me qytetarët të Komunës së Lipjanit, njofton Komuna.
I pari i Lipjanit para qytetarëve ka prezantuar punën e cila po bëhet që në teren, në të njëjtën kohë ftuar qytetarët që të jenë sa ma bashkëpunues me autoritetet e komunës për një punë ma të mirë dhe efikase, thuhet në njoftim.
Kryetari Imri Ahmeti ka theksuar se puna e ligjshme dhe ndershme është ajo që e veçon këtë ekzekutiv dhe se do të vazhdojë të punohet edhe më shumë.
Ndërkaq, qytetarët nga fshatra të ndryshme të komunës kanë shprehur falënderime për kryetarin Ahmeti, për punët e kryera dhe në të njëjtën kohë ata kanë paraqitur kërkesat për investime në të ardhmen krahas lokaliteteve të tyre e të cilat janë më me prioritet për ta.
