Kryetari i Komunës së Lipjanit Imri Ahmeti, ka pritur sot në takim shefin e Zyrës së BE-së në Kosovë, Tomas Szunyog, me të cilin kanë diskutuar një mori çështjesh, me fokus të veçantë është diskutuar për marrëveshjen e gjelbërt dhe mbrojtjen e mjedisit.
Kryetari Ahmeti fillimisht vlerësoi lart bashkëpunimin dhe kontributin e Bashkimit Evropian për implementimin e disa projekteve në Komunën e Lipjanit.
“ Falenderoj Ambasadorin Szunyog për interesimin e tij në vazhdimin e punëve të përbashkëta, ku edhe në këtë rast biseduam edhe për investimet e mundshme rreth marreveshjes së gjelbërt dhe ruajtjen e mjedisit në mënyrë që të kontribohet në shëndetin e qytetarëve, ka thënë ndër të tjera Kryetari Imri Ahmeti.
Ndërkaq, Shefi i Zyrës së BE-së, ambasadori Szunyog ka shprehur mirënjohje Kryetarit Imri Ahmeti, duke uruar për mandatin e ri dhe çmoi lart përvojen e tij si lider, ai po ashtu çmoi lartë edhe për frymën bashkëpunuese dhe rikonfirmoi gatishmërinë për bashkëpunim edhe në të ardhmen.
“Janë investuar mbi 1 milion euro në projektet e ndryshme të Komunës së Lipjanit dhe jemi të interesuar të vazhdojmë me investime tjera, ku sot po ashtu diskutuam me komunën rreth projekteve të marrëveshjes së gjelbërt dhe mbrojtjen e mjedisit, ka thënë Shefi i Zyrës së BE-së, ambasadori Szunyog, duke shtuar se çmoj faktin që Komuna e Lipjanit është shumë etnike dhe jetojnë disa komunitete, ne së bashku me UNDP së shpejti do të fillojmë për të implementuar projektin për ruajtjen e trashëgemisë kulturore në Janjevë.
Kryetari Ahmeti dhe Ambasadori Szunyog janë pajtuar për fuqizimin e projekteve të përbashkëta në interes të qytetarëve të Komunës së Lipjanit.