Kryetari i Komunës së Lipjanit, Imri Ahmeti me bashkëpunëtorë sot ka pritur në takim informues Menaxherin e Projektit për Shërbime të Qëndrueshme Komunale, nga GiZ-i Gjerman, Stefan Mager.
Gjatë këtij takimi, kryetari Ahmeti dhe menaxheri Mager diskutuan për temat e ndërlidhura me procesin e mëtutjeshëm të menaxhimit të integruar të mbeturinave në Komunën e Lipjanit, duke përfshirë shërbime shtesë të deponimit dhe riciklimit të mbeturinave sipas një plani të standardizuar dhe të unifikuar në të ardhmën për të gjitha komunat.
Kryetari Ahmeti në këtë rast ka falenderuar përfaqësuesit e GiZ për bashkëpunimin e deritanishëm dhe mbështetjen e vazhdueshme ndaj Komunës së Lipjanit, si dhe ka shprehur gatishmërinë për bashkëpunim edhe më të ngushtë në të ardhmën.