Kryetari i Komunës së Lipjanit, Imri Ahmeti, së bashku me bashkëpunëtorët e tij, sot ka bërë homazhe dhe ka vendosur buqeta me lule pranë pllakave përkujtimore të dëshmorëve dhe martirëve të fshatrave Sllovi dhe Akllap, në shenjë nderimi dhe respekti për sakrificën e tyre në rrugën drejt lirisë.
Me këtë rast, kryetari Ahmeti theksoi se kujtimi dhe nderimi për dëshmorët dhe martirët përbën një detyrë të përhershme për institucionet dhe qytetarët, pasi liria që e gëzojmë sot është ndërtuar mbi sakrificën e tyre sublime, njofton Komuna e Lipjanit.
“Emrat dhe sakrifica e tyre janë të gdhendur përgjithmonë në kujtesën tonë kolektive dhe përbëjnë themelin e lirisë që e jetojmë sot,” tha Kryetari Imri Ahmeti.
Lavdi e përjetshme dëshmorëve dhe martirëve të kombit!
