Kryetari i Komunës së Lipjanit, z. Imri Ahmeti, ka pritur në takim nxënësit e Gjimnazit “Ulpiana”, bashkë me mësimdhënësit dhe drejtorin e shkollës, të cilët kanë fituar vendin e parë në garat republikane në volejboll, të organizuara nga Federata e Sportit Shkollor të Republikës së Kosovës.

Kryetari Ahmeti vlerësoi lartë arritje e të rinjve lipjanas, duke theksuar përkushtimin, talentin dhe shpirtin e tyre garues të dëshmuar në garat e volejbollit.

“Ky sukses është pasqyrë e përkushtimit, punës së palodhshme dhe shpirtit garues që e karakterizon rininë tonë.

  Një arritje që na bën të gjithëve krenarë dhe dëshmon se Lipjani është vend i të rinjve të talentuar, të disiplinuar dhe të vendosur drejt suksesit,” tha kryetari Ahmeti.

Ai shprehu krenarinë për këtë arritje të jashtëzakonshme të nxënësve, duke i uruar për suksesin dhe duke i cilësuar si model frymëzimi për gjeneratat e ardhshme.