Kryetari i Komunës, Imri Ahmeti, të marten në zyrën e tij ka pritur, kolonelin e KFOR-it Italian Francesko Randacio i shoqëruar nga përfaqësuesit e KFOR-it Italian dhe Finlandez, si dhe përfaqësuesit e KFOR-it Turk të cilët janë të vendosur në Lipjan.
Në këtë rast, kryetari Imri Ahmeti, e ka njoftuar kolonelin Francesko Randacio për punët dhe zhvillimet aktuale në Komunën e Lipjanit, shkruan Komuna e Lipjanit- Faqja Zyrtare
Kryetari Ahmeti, po ashtu gjatë takimit ka folur për sigurinë në Komunën e Lipjanit e cila është e qetë dhe stabile si dhe për rëndësinë e KFOR-it në përgjithsi që ofrojnë stabilitet për qytetarët e lipjanas.
Ndërsa koloneli i KFOR-it Italian Francesko Randacio, është shprehur shumë i kënaqur me mirëpritjen nga ana e kryetarit Imri Ahmeti, si dhe me të arriturat e komunës së Lipjanit në realizimin e projekteve të shumëta e sidomos projekteve në fushën e sigurisë.