Në kuadër të aktiviteteve për pastrimin e ambientit edhe Komuna e Lipjanit i është bashkuar aksionit “Ta pastrojmë Kosovën”, në bashkëpunim me KVRL-në
I pari i Komunës së Lipjanit, Imri Ahmeti i shoqëruar nga drejtorët e Drejtorateve Komunale, Këshilli i Veprimit Rinor Lokal, OJQ-të dhe këshillat e nxënësve të shkollave të komunës së Lipjanit, i janë bashkuar aksionit “Ta pastrojmë Kosovën” ku kanë pastruar rrugët dhe hapësirat publike në qendër të Lipjanit, njëheri kanë bërë thirrje edhe tek qytetarët për mbajtjen e ambienteve sa më të pastërta.
Aksionit “Ta pastrojmë Kosovën” edhe komuna e Lipjanit po jep kontributin e vet në mënyrë që të kemi një ambient të pastërt, të kemi hapësira sa më të shumta të gjelbërimit të cilat edhe janë edhe prioritet i yni, në mënyrë të një jetë sa më të shëndoshë, ka thënë Kryetari Imri Ahmeti.