Theresa May ka thënë se niveli i kërcënimeve vazhdon të mbetet i lartë në publik dhe kështu ka lutur të gjithë që të qëndrojnë vigjilent, shkruan The Guardian, transmeton Gazeta Express.

Në një deklaratë, May ka konfirmuar se ajo do t’ia bëjë me dije Presidentit të SHBA-së, Donald Trump, që informacionet që i posedon inteligjenca, të mos publikohen, por të mbesin të sigurta. Këtë deklaratë May e ka thënë gjatë samitit të NATO-s që u mbajt të enjten në mëngjes.

Kryeministrja britanike, May, e cila ka udhëtuar të martën për në samit të NATO-s, ka thënë se do të punojë me “kolegët ndërkombëtarë për luftën kundër terrorizmit”.

Ajo, gjithashtu, ka bërë me dije se ka shtuar forcat e policisë – rreth 1 mijë, të cilët thotë se janë në dispozicion në çdo orë dhe moment për çfarëdo lloj kërcënimi të mundshëm.

Ajo në fund të fjalës së saj në samitin e NATO-s ka bërë të qartë se G7-sha dhe NATO-ja do të punojnë së bashku për ta mundur të keqën e terrorizmit. /GazetaExpress/