Kroacia ka bllokuar hapjen e Kapitullit të 26-të të bisedimeve të Serbisë për anëtarësimin në BE.

Por ky veprim duket se ka nervozuar tej mase kryeministrin serb Aleksandar Vuçiq, i cili ka paralajmëruar se do të largohet nga Brukseli dhe se nesër nuk do të marrë pjesë në konferencën ndërkombëtare, nëse Kroacia nuk tërheq bllokadën e saj, transmeton Telegrafi.

Kryeministri i Serbisë Vuçiq ka udhëtuar sot për në Bruksel, por është zotuar se nëse nuk arrin ndonjë marrëveshje rreth bllokadës me përfaqësuesen e BE-së për Politikë të Jashtme, Federica Mogherini, ai qysh sonte do të largohet nga Brukseli dhe nuk do të marr pjesë në konferencën ndërkombëtare që do të mbahet nesër, në të cilën ishte planifikuar të shqyrtohet hapja e Kapitullit.