Krasniqi: S’ka dilema, PAN do ta bëjë Qeverinë

PUBLIKUAR

Nënkryetari i PDK-së, Memli Krasniqi, gjatë një interviste për gazetën “Zëri” thotë se nuk ka kurrfarë dilemash se koalicioni PAN do ta formojë Qeverinë e re të Kosovës. Ai thotë se pozita e kryeparlamentarit i takon PDK-së dhe s’mund t’i lihet Listës Serbe

Për nënkryetarin e PDK-së Memli Krasniqi nuk ka kurrfarë dileme se koalicioni PAN (PDK-AAK-Nisma) do ta formojë Qeverinë e re të Kosovës, ndonëse duke u bazuar në rezultatin e fundit zgjedhor ky koalicion nuk i ka votat e mjaftueshme që bashkë me minoritetet t’i formojë institucionet e reja qendrore.

Krasniqi gjatë një interviste për gazetën “Zëri” ka deklaruar se Qeveria e re do të mbështetet nga deputetë që, siç ka thënë ai, kanë vullnet t’i bashkohen vizionit të tyre dhe vullnetit të shprehur qytetarë për një lidership të fuqishëm, i cili kryen punë dhe merr vendime të mëdha dhe të nevojshme për vendin.

Pavarësisht humbjes së votave në zgjedhjet e 11 qershorit 2017 në raport me zgjedhjet parlamentare të vitit 2014 Krasniqi mohon se kreu i partisë, Kadri Veseli, do të japë dorëheqje.

Sipas tij, Veseli ka krijuar dhe ka udhëhequr koalicionin që i ka fituar zgjedhjet e 11 qershorit.

“Andaj lidershipi i tij është i pakontestueshëm. Si PDK ne e kemi kuptuar drejt mesazhin e votueseve tanë tradicionalë dhe të tjerëve dhe në këtë kuadër do t’i bëjmë analizat e nevojshme për vazhdimin e rrugës së reformave të nevojshme për fazën e ardhshme, qoftë në institucionet e vendit, qoftë brenda strukturave partiake”, ka thënë Krasniqi.

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...