Komiteti për Politikë dhe Financa (KPF), udhëhequr nga Kryesuesi i Kuvendit z. Daut Azemi, sot ka mbajtur mbledhjen e 33-të me radhë, ku janë diskutuar të gjitha pikat e rendit të ditës të parapara për këtë mbledhje, njofton Komuna e Lipjanit.

Me këtë rast, Kryesuesi i Kuvendit, z. Daut Azemi, përveç pikave të parapara për këtë mbledhje, prezantoj edhe një pikë shtesë për diskutim në këtë mbledhje.

Ndërsa, anëtarët e KPF-së pas diskutimeve të bëra gjatë këtij takimi aprovuan dhe rekomanduan të gjitha pikat për mbledhjen e ardhshme të Kuvendit të Komunës, e cila do të mbahet të martën, më 28 janar 2025.