Konsumimi i rregullt i alkoolit – qoftë edhe në sasi të vogla – mund ta rritë rrezikun e rrahjeve të çrregullta të zemrës, që ndryshe njihet si dridhja atriale.

“Këto rezultate janë të rëndësishme, pasi që shumica e njerëzve të cilët konsumojnë një deri në dy gota alkool në ditë, nuk e kuptojnë se janë duke e vendosur veten në rrezik për të zhvilluar rrahje të çrregullta të zemrës”, ka thënë autori i këtij studimi, Dr. Peter Kistler, transmeton Telegrafi.

Hulumtimet e mëhershme e kanë ndërlidhur konsumimin modest të alkoolit me shëndet më të mirë të zemrës për disa njerëz, por hulumtimet e reja sugjerojnë se kjo nuk mund të aplikohet kur është fjala për dridhjen atriale.

Vlen të ceket se rezultatet janë publikuar me pesë dhjetor në “Journal of the American College of Cardiology”.