Në Komunën e Lipjanit sot kanë filluar dëgjimet publike lidhur me Kornizën Afatmesme Buxhetore 2020-2022.
Takimet janë zhvilluar me Komitetin për Politikë dhe Financa, Komitetin për Komunitete, Gratë dhe shoqatat e Gruas, Organizatat e Shoqërisë Civile, Personat me aftësi të Kufizuara, me të rinjët, shoqatat e të rinjëve, Klubet Sportive, fermerët e Komunës së Lipjanit. Po ashtu, takim është mbajtur edhe në fshatin Dobrajë, njofton Komuna.
Drejtori për Buxhet dhe Financa Latif Ramadani gjatë këtyre takimeve ka theksuar se Korniza Afatmesme Buxhetore është shumë e rëndësishme dhe çdo propozim nga qytetarët është i mirëseardhur, thuhet në njoftim
Gjatë këtyre takimeve qytetarë të shumtë kanë pasur rastin të bëjnë propozime në mënyrë që këto propozime të inkorporohen në planifikimin buxhetor.
