Komuna e Lipjanit nuk ka buxhet të mjaftueshëm për ti mbuluar dëmet e shkaktuara nga breshëri i fundit që ka rënë në një pjesë të territorit të Komunës së Lipjanit.

Këtë e ka thënë Drejtori i Drejtoratit për Mbrojtje dhe Shpëtim Remzi Mehmeti, ai tha për LipjaniNews.com se për momentin Komuna e Lipjanit nuk e ka një buxhet të mjaftueshëm për ti mbuluar këto dëme.

“Komuna e Lipjani nuk ka buxhet për ti mbuluar dëmet që ka shkaktuar breshëri kohëve të fundit, por një ekip është dalë në teren për ta parë gjendjen  dhe dëmet të cilat janë shkaktuar, më pastaj për ta bërë vlerësimin e dëmeve”, tha Mehmeti.

Breshëri i cili ka rënë kohëve të fundit ka kap disa fshatra të Lipjanit si, Poturofcin, Ribarin e Madh, Kraishtë, Qylagën, një pjesë të Magurës, Dobrajën etj. /LipjaniNews.com/