Komuna e Lipjanit ka ngushëlluar familjen Hyseni-Shala me rastin e vdekjes së Besa Hyseni Shala.

TELEGRAM NGUSHËLLIMI

E nderuara familje Hyseni-Shala,

Drejtoria Komunale e Arsimit në Komunën e Lipjanit shpreh ngushëllimet më të sinqerta për humbjen e më të dashurës tuaj.

Besa Hyseni Shala ishte një shembull frymëzues i përkushtimit profesional dhe humanizmit, duke dhënë një kontribut të çmuar si edukatore e klasave parashkollore në SHFMU “Ibrahim Banushi” Shalë. Me përkushtimin e saj të sinqertë dhe angazhimin e palodhur, ajo ka lënë gjurmë të pashlyeshme në zemrat e nxënësve, kolegëve dhe gjithë stafit arsimor.

Me këtë rast, bashkëndjejmë dhimbjen me familjarët, kolegët, miqtë dhe të gjithë ata që patën fatin ta njihnin dhe ta vlerësonin, të cilët sot përjetojnë këtë humbje të madhe.

Zoti e mëshiroftë!

Drejtoria Komunale e Arsimit – Komuna e Lipjanit