Kryetari i Komunës së Lipjanit, Imri Ahmeti dhe bashkëpunëtorët e tij dhe Komandantin e Stacionit Policisë në Lipjan, Bashkim Bytyqin gjatë ditës së sotme i janë bashkuar aktiviteteve të ndryshme të organizuara nga komuna për nderë të Ditës së Tokës.
Në këtë rast, Kryetari Ahmeti tha se Dita e Tokës, nuk duhet të mbetet vetëm simbolikë, por këto aktivitete ndërgjegjësuese dhe sensibilizuese duhet të reflektojnë tek qytetarët lipjanas në parandalimin e dëmeve që mund tu shkaktohen pasurive tona natyrore, njofton komuna.
Në kuadër të këtyre aktiviteteve janë mbjellur drunjë dekorative dhe lule në oborrin e Komunës, Qendrën Kryesore të Mjekësisë Familjare, parqet e qytetit të Lipjanit, në disa shkolla.
