Kryetari i komunës së Lipjanit, Imri Ahmeti, po kujdeset që stafit të tij t’iu vie era e mirë. Për këtë çështje Ahmeti ka vendosur që të furnizohet me një set parfumesh për meshkuj.
19 sete të markave të ndryshme i kanë kushtuar buxhetit të komunës së Lipjanit 121 euro që i bie nga 6 euro e gjysmë për një set parfumi, shkruan Gazeta Express.
Përshkrim i shkurtër i lëndës së kontratës “Furnizmi me set parfumesh për meshkuj (19 copë)”, tenderi i është dhënë operatorit ekonomik “Elkos”.
Tenderi është nënshkruar më 1 mars të këtij viti.
Ndërkohë, për këtë shkrim ka reaguar Komuna e Lipjanit, nëpërmjet një komunikate.
“I bëjmë me dije të gjithë opinionit të gjërë se kjo kontratë ku shihej në foto është tregon qartë se është lidhur me 01.03.2017 dhe me këtë janë blerë disa produkte ku Drejtoria Komunale e Arsimit në Lipjan ka vendosur të ndajë nga një dhuratë shumë modeste për mësuesit e përzgjedhur nga shkollat si mësuesi i dalluar me rastin e7 Marsit Ditës së Mësuesit, në të njejtën kohë DKA është ndier keq për dhuratat tepër modeste sepse mësuesit meritojnë më shumë”, thuhet në reagimin e Komunës së Lipjanit.
