Komuna e Lipjanit pas arrestimit të nëntë zyrtarëve komunalë: Kontratat për stadiumin në Magure janë publike

PUBLIKUAR

Komuna e Lipjanit ka reaguar pas arrestimit të nëntë zyrtarëve që dyshohet për veprën penale “Keqpërdorimi i pozitës apo autoritetit” dhe veprën penale të “Mashtrimit”.

Komuna e Lipjanit, thotë se deri me tani nuk ka marrë asnjë informatë lidhur me zyrtarët e arrestuar.

Sipas tyre, janë informuar nga mediat për rastin duke thënë se për stadiumin në Magure, të gjitha kontratat janë publike që nga koha kur janë nënshkruar dhe janë në websajtin e komunës.

“Duke përcjellë mediat dhe portalet, ndonëse zyrtarisht asnjë informatë si institucion i komunës dhe si kryetar i komunës nuk e kemi, konsiderojmë dhe deklarojmë për qytetarët lipjanas dhe opinionin se absolutisht, nuk duam të interferojmë në punën e organeve të  drejtësisë as të paragjykojmë epilogun por ju informojmë së nëse është fjala për stadiumin në Magure, të gjitha kontratat janë publike që nga koha kur janë nënshkruar dhe janë në wëebsajtin e komunës”, thuhet në njoftim.

Reklama

Tutje komuna thotë se “duke ndjekur shkrime me shumë të pavërteta rreth shumës së mjeteve të përmendura, ju inkurajojmë vlerat në kontrata dhe specifikat tjera lehtë mund t’i verifikoni në websajtin e komunës”.

Komuna sqaron se “dheu i shëmbur si pasojë e reshjeve të shiut në janar 2021 në stadiumin e Magurës, ka dëmtuar rrethojat e qëndrës së azilit në Magure, dhe pas kësaj shembje, komuna dy herë ka publikuar procedura për të riparuar atë shëmbje dheu nga reshjet dhe në të dy rastet të dy operatoret e kontraktuar (njoftimet janë publike në ëebsajt) nuk kanë kryer punimet dhe nuk janë paguar për punët e pakryera”.

Komuna thotë se inkurajon punën e organeve të drejtësisë që të jetë e pavarur dhe korrekte, por asesi deklarimet paushalle e të paverifikuara.

“Duhet të vlejë prezumimi i pafajësisë deri në vërtetimin e fajësisë e jo me komente me erë terësisht politike pa asnjë lloj verifikimi të së vertetës”.

“Nëse ky parim sipas disave nuk vlenë për të gjithë njejtë, atëherë përdorne standartin e njejtë edhe për shërbyesit civil. Përkatësia politike e shërbyesëve civil nuk duhet t’u shërbej gjuetarëve kujdestarë për shfrenime të urrejtjeve përsonale e politike”.

“Të presim verdiktin final pastaj të gjykojmë”, thuhet në fund./Telegrafi/

LAJME TË TJERA

“Isha para spitalit duke prit”, deputeti Rashit Qalaj në një rrëfim të rrallë për jetën private

Deputeti, Rashit Qalaj, ka rrëfyer dy momentet më të lumtura dhe ato më tē...

Melisa Lleshi: Dua ta adoptojë një fëmijë, ndoshta vitin tjetër

Melisa Lleshi është banorja më e re e Big Brother VIP Kosova. Reklama Ajo i është...

E konfirmuar: Ndërron jetë i dyshuari për plagosjen e dy grave në Fushë Kosovë

Ka ndërruar jetë Sabit Islami, i dyshuari për plagosjen e dy grave sot në...

Uzuni fantastik, shënon dy gola për Granadan

Granada ka shënuar fitore ndaj Andorras në kuadër të La Liga 2. Futbollisti shqitar, Myrto...

SHIKO MË SHUMË

Mbahet takimi i parë i Këshillit Komunal për Siguri në Bashkësi (KKSB), për vitin 2023

Kryesuar nga nënkryetari i Komunës së Lipjanit, z. Diamant Bytyqi, sot Këshilli Komunal për...

Vetura e policisë fundoset në ujë, intervenon shpejt FSK-ja (Video)

Një veturë zyrtare e Policisë së Kosovës është fundosur në ujë afër Lipjanit, raporton...

Arrestohen 9 zyrtarë për mashtrim dhe keqpërdorim të pozitës, bëhet fjalë për 300 mijë euro

Janë arrestuar nëntë persona, të dyshuar për keqpërdorim të pozitës apo autoritetit dhe për...