Dje kanë filluar dëgjimet publike me qytetarët lidhur me Planifikimin e Buxhetit Komunal për vitet 2017-2019.
Takimet e para janë mbajtur në sallën e Kuvendit Komunal të Lipjanit me Shoqërinë Civile dhe Shoqatat e Gruas në Lipjan, më pastaj në të njejtin vend kanë vazhduar me OJQ-të dhe përsonat me aftësi të kufizuara. Po ashtu duke filluar në ora 18:30 Kryetari Ahmeti ka bashkëbiseduar me organizatat e të rinjëve dhe rininë lipjanase lidhur me kërkesat e të rinjëve dhe mundësine e përfshirjes së tyre në plafikimin Buxhetor.
Këto takime janë vlerësuar si të një rëndësie të veçantë ngase përmes tyre po identifikohen edhe më shumë nevojat dhe kërkesat e qytetarëve.
Nga ana tjetër qytetarët e pranishëm në këto takime konsultative, kanë parashtruar kërkesa nga më të ndryshme, dhe në njejtën kohë kanë marrë përgjegjje nga vet Kryetari Ahmeti, i cili në të gjitha takimet ka ftuar qytetarët që të marrin pjesë në këto debate për planifikimin e buxhetit se duke pasur një qytetari aktive ai është i bindur se do të ketë një qeverisje edhe më të mirë për ti përmbush edhe më tepër nevojat edhe kërkesat e qytetarit lipjanas, ka thënë ndër të tjera Kryetari Ahmeti.
Gjatë mbrëmjes duke filluar nga ora 20:00 takimet kanë vazhduar edhe me banorët e Gadimes së Ulët, Gadimes së Epërme, Babush, Marevc, Gllavicë, Vrellë dhe Plitkoviq.
Fillimisht Kryetari i Lipjanit Imri Ahmeti, banorët e këtyrë fshtarave i ka njoftuar në detaje lidhur me buxhetin e vitit 2017 dhe viteve në vazhdim. Ai me tutje ka folur edhe për realzimin e shumë projketeve madhore që do të realziohen në Komunën e Lipjanit, duke përfshirë këtu edhe projeketet që pritet të realizohen me buxhet të Qeverisë së Republikës së Kosovës.
Qytetarët e pranishëm në këto takime konsultative, kanë parashtruar kërkesa nga më të ndryshme, por dominonin asfaltimet e rrugëve, kanalizime,ujësjellës, fusha sportive,por edhe projkete të shumta arsimore.
Duke iu referuar kërkesave të qytetarëve kreu i lipjanas, edhe njëherë ka ripërseritur se Komuna e Lipjanit është përkushtuar që t’i zgjedhë problemet e tyre, ngase sipas tij, këto debate janë në funksion të hulumtimit të nevojave që kanë qytetarët.
Mësohet se takimet konsultative sot më. 19.08.2016 nga ora 16:30 do të mbahen në Grackë të Vjetër në shkollën fillore të këtij fshati, duke filluar nga Në orën 18:30 në shkollën fillore “ Migjeni”, në Rufc të Ri ku do të marrin pjesë në këtë diskutim publik banorët e këtyre fshatrave: Rufc i Ri, Ribar i Vogël, Rufc i Vjetër, Hallaq i Vogël dhe Hallaq i Madh. Ndërsa nga ora 20:00 takimet do të mbahen në Sallën e Kuvendit Komunal – Lipjan, me banorët e qytetit të Lipjanit, fshatit Konjuh, Topliqan dhe Jeta e Re.
