Nënkryetari i Komunës së Lipjanit, z. Diamant Bytyqi, sot ka nënshkruar marrëveshje bashkëpunimi me organizatën Islamic Relief Kosova, në kuadër të projektit “Projekt i integruar për mbështetje në Shëndetësi, Arsim dhe Ekonomi Rurale në Kosovë”.

Me këtë rast, ai theksoi se kjo marrëveshje përbën një hap konkret drejt fuqizimit ekonomik të qytetarëve, duke krijuar mundësi të reja për zhvillim dhe vetëpunësim në Komunën e Lipjanit.

Në kuadër të kësaj marrëveshjeje, do të ndahen grante për start-up biznese në territorin e Komunës së Lipjanit, duke ofruar mundësi të reja për punësim dhe vetëpunësim për banorët lokalë.

Ky projekt, i mbështetur nga Islamic Relief Deutschland, synon të nxisë zhvillimin ekonomik lokal përmes mbështetjes së iniciativave të reja afariste.