Kryetari i Komunës së Lipjanit z. Imri Ahmeti së bashku me drejtorin e DKA-së z. Rasim Hasani kanë pritur në takim nxënësit dhe personelin menaxherial e arsimor të shkollës fillore “Vëllezërit Frashëri” të cilët do të marrin pjesë në garat në Genius Olympiad në qytetin Osvego në shtetin e New York të SHBA-së.

Me këtë rast, Kryetari i Komunës theksoi që edhe viteve të kaluara kemi mbështetur financiarisht nxënësit garues në gara ndërkombëtare si në New York të SHBA-së, Najrobi të Kenias etj. Komuna e Lipjanit, nxënësit pjesëmarrës në garat e këtij viti do t’i mbështesë në vlerë prej 10,000 euro, njofton Komuna.

Kryetari i inkurajoj dhe uroj nxënësit dhe mësimdhënësit për arritjet e tyre në gara të ndryshme në Robotikë.

Suksesi juaj është vlerë dhe sukses për Lipjanin dhe arsimin në Kosovë.