Komuna e Lipjanit e dënon rastin e zjarrëvënies në objektin e shkollës “Vëllëzërit Aksiq” në fshatin Rubovc, rast ky që raportohet të ketë ndodhur në orët e hershme të mëngjesit.
Menjëher pas njoftimit, Nënkryetari i Komunës së Lipjanit, Sefer Tasholli së bashku me përfaqësuesen e ZLK-së kanë dalur në vendin e ngjarjes dhe kanë parë nga afër atë që ka ndodhur. Në vendin e ngjarjes po ashtu kanë dalur edhe hetuesit e policisë nga stacioni policor i Lipjanit, ndërsa në orët e hershme të mëngjesit menjëher pas pranimi të informatës kanë dalur zajrrëfikësit të cilët e kanë lokalizuar zjarrin, njoftoi Komuna.
Nënkryetari Tasholli u ka bërë apel qytetarëve që të bashkëpunojnë me njësitet policore duke ofruar informatë në zbulimin sa më të shpejtë të këtij rasti.
Pavarësisht se kush ka qenë shkaktar i këtij incidenti, institucioni i komunës e dënon këtë rast dhe kërkon nga organet kompetente që të hetojnë rastin në fjalë.
Komuna e Lipjanit bënë apel tek të gjithë banorët e fshatit Rubovc, që rastin e till të mos e politizojnë pavarësisht se kush mund të jetë kryerësi i kësaj vepre.