Në Gjermani është hapur për publikun një koleksion i rrallë që përfshin shumëllojshmëri të modeleve të prodhuesit BMW.

Aty ka vetura me koncepte të veçanta, fituese të garave, si dhe ato origjinalet që janë përdorur në Hollywood, transmeton Telegrafi.

Prej veturave të prodhuara para Luftës së Parë Botërore, deri tek modeli që është vënë në shitje në vitin 2002, janë disa nga makinat unike të mbledhura në një vend.

Vizitorët kanë mundësi ta shohin veturën që e ka vozitur agjenti James Bond në filmin ‘Tomorrow Never Dies’, si dhe një McLaren F1 që e ka motorin e BMW-së.

Nuk mungon as modeli 507, i vetmi me ngjyrë të verdhë i prodhuar, që vlen rreth dy milionë dollarë. /Telegrafi/