Lamborghini që kushton afro gjysmë milion euro, nuk është aq i shpeshtë nëpër rrugë.

Kur një makinë e tillë shihet duke lëvizur, të gjithë kthejnë kokën dhe shikojnë me admirim, transmeton Telegrafi.

Por, kalimtarët e rastit në Sydney të Australisë, janë befasuar me një Lamborghini ngjyrë gri, në të cilin ishte kapur një rimorkio e ndryshkur.

Nuk dihet kujt i përket apo çfarë kishte në pjesën e ngjitur me dy rrotë, konstrukti i së cilës lë shumë për të dëshiruar.

“Sigurisht ka fituar loton, por ende duhet të kryej vet obligimet e shtëpisë”, është një koment për fotografinë e postuar në Reddit. /Telegrafi/