Mediat shtetërore të Koresë së Veriut raportojnë se ushtria e vendit e ka testuar një raketë të perforcmancës së lartë.
Ndërsa, lidri i saj, Kim Jong-un, deklaroi se testimi është një lindje e re në industrinë raketore të Koresë, raporton agjencia shtetërore e lajmeve, KCNA, përcjell Express.
Pasi që personalisht e ka mbikëqyrur testimin, Kim ka thënë: “Bota shumë shpejt do të jetë dëshmitare e rëndësisë së madhe të fitores epokale që e arritëm sot.”
Koreja e Veriut i ka kryer pesë teste bërthamore dhe një seri shkrepjesh raketore deri më tani.
Ekspertët dhe zyrtarët qeveritarë besojnë se Koreja Veriore po punon për të zhvilluar raketa me kokë-bërthamore që mund ta arrijnë SHBA-në./Express/