Presidenti i Filipineve, Rodrigo Duterte të shtunën ka sugjeruar Shtetet e Bashkuara të Amerikës që të tregojnë vetëpërmbajtje, pas lancimit të një rakete dhe të ruhen nga loja e liderit të Koresë së Veriut, Kim Jong Un.
Duterte ka thënë madje se lideri verikorean dëshiron që t’i japë fund botës, shkruan Reuters, transmeton Klan Kosova.
Ai ka theksuar se rajoni i Azisë juglindore është në masë të madhe i brengosur rreth tensioneve mes Koresë së Veriut dhe SHBA-së.
Më tej ka pohuar se nga një lëshim i vogël mund të shpërthejë katastrofa ku për pasojë Azia do të jetë viktima e parë e luftës bërthamore.