Moderatorja e njohur, Kiara Tito tashmë ka nisur punën për një projekt të ri televiziv.
Ish-banorja e edicionit të dytë të Big Brother VIP Albania do të rikthehet në ekran me moderimin e spektaklit “Kepi i VIP-ave”.
Xhirimet e emisionit janë bërë në Turqi dhe nga atje 27-vjeçarja ka sjellur disa pamje edhe së fundmi.
Kiara ka zbuluar një nga dukjet e saj duke pozuar për disa imazhe që i ndau me fansat në InstaStory.
Kiara shihet e veshur me një fustan të gjatë dhe elegant të markës Chanel, ndërsa e kompletoi paraqitjen me makijazh të theksuar dhe flokët e kapura në topuz.
“Përfunduam xhirimet, shihemi së shpejti”, ka shkruar Kiara teksa dukej tërë shkëlqim.
Ndryshe, krahas kësaj, prezantueses po i ecë mbarë edhe në jetë personale teksa po shijon marrëdhënien me fituesin e BBVA, Luiz Ejlli.
Kujtojmë që Luizi dhe Kiara kurorëzuan dashurinë me martesë gjatë një ceremonie madhështore në natën finale të Big Brother VIP. /Telegrafi/
