Kiara Tito ka zhvilluar së fundmi një bashkëbisedim virtual me ndjekësit e saj në Instagram, ku nuk kanë munguar pyetjet për jetën personale dhe planet e saj për të ardhmen.
Moderatorja, e cila numëron mbi 850 mijë ndjekës në rrjetin social, u ka dhënë mundësinë fansave t’i drejtojnë pyetje të ndryshme, ndërsa një prej tyre lidhej me mundësinë e një shtatzënie të dytë.
“A je shtatzënë? Të lutem, kthe përgjigje”, ishte pyetja që mori vëmendjen më të madhe.
Megjithatë, në vend të Kiarës, ishte partneri i saj, Luiz Ejlli, ai që vendosi të reagonte.
Këngëtari e ndau pyetjen në Instastory dhe dha një përgjigje me humor, në stilin e tij karakteristik.
“Akoma nuk e kam lënë”, shkroi Luizi, duke shkaktuar reagime dhe komente të shumta nga ndjekësit.
Historia e Kiarës dhe Luizit nisi në “Big Brother VIP Albania”
Kiara Tito dhe Luiz Ejlli u njohën gjatë pjesëmarrjes së tyre në “Big Brother VIP Albania”, ku marrëdhënia mes tyre u kthye në një nga historitë më të komentuara të formatit.
Pas përfundimit të spektaklit, lidhja e tyre vazhdoi edhe jashtë shtëpisë, ndërsa më vonë çifti krijoi familjen e tij.
Kiara dhe Luizi janë prindër të një vajze, Luna Mari, dhe vazhdojnë të jenë ndër çiftet më të ndjekura të showbiz-it shqiptar.
Edhe këtë herë, një pyetje e thjeshtë nga ndjekësit u kthye në një moment që tërhoqi vëmendjen në rrjetet sociale, falë përgjigjes spontane dhe me humor të Luiz Ejllit. /GazetaExpress/
