Me SHBA-në dhe Rusinë të përfshirë në një grindje publike mbi pasojat e një sulmi të mundshëm amerikan kundër Sirisë, aftësitë sulmuese që ka Moska për një përgjigje eventuale janë një çështje kryesore.
Uashington ka kërcënuar me një aksion ushtarak qeverinë e Sirisë që kjo ka përdorur armët kimike në qytetin e Doumas. Në vitin 2017, Presidenti i SHBA-së Donald Trump ishte i kënaqur me disa sulme në bazat siriane me raketat Tomahaëk.
Trupat ruse janë të vendosur fillimisht në veri të qytetit Latakia, dhe pjesa tjetër ndodhet në Tartus. Të dyja vendet janë të mbuluara nga raketa sipërfaqësore deri në ajër me rreze të gjatë, duke përfshirë sistemet S-400 të vendosura pranë Khmeimit dhe S-300VM që mbrojnë Tartusin, raporton “RT”
Të dyja sistemet raportohet se kanë një gamë të kapjes deri në 400 km, varësisht nga cili pozicion është lëshuar raketa, dhe konsiderohen sistemi më i sofistikuar anti-raketor në botë.
Plotësimi i atyre interceptorëve janë sisteme me rreze të shkurtër, duke përfshirë Buk-M2 të mesëm dhe Pantsir S1 me rreze të shkurtër. Sistemet mbrojnë një vend strategjik nga çdo kërcënim, nga avionët e armatosur të vegjël dhe avionët me fluturim të ulët.
Një përshkallëzim luftarak mes Rusisë dhe SHBA-së do të ishte fatale për të dyja shtetet, por fuqia ushtarake që posedon Rusia mund të kufizojë sulmet amerikane.
