Njeriu modern gjithnjë e më shumë po e kalon kohën pranë kompjuterit dhe me mjaft shkathtësi i përdor duart për ta shfrytëzuar tastierën në aparatet më të ndryshme

Mirëpo ndodh lodhja prandaj herë pas here është e nevojshme t’i ushtroni duart.

Kryesisht duart dhe shuplakat i përdorin në të njëjtën mënyrë, prandaj edhe i ngarkojnë disa pika të muskulaturës.

Si edhe kur është fjala për tërë trupin, pak shtrirja e duarve dhe ushtrimet mund t’ju ndihmojnë, transmeton Telegrafi.

Ndihmë efikase mund të jenë ushtrimet nga të cilat disa vërtet janë fantastike për të gjithë ne që jetojmë nga puna në tastiere.

Gërshetoni gishtat në shuplaka dhe shtrijuni. Pos që do të shtrini gishtat dhe shuplakat, do të lehtësoni edhe ngarkesën të cilën supet dhe qafa juaj e përballojnë gjithë ditën.

Gërshetoni gishtat para zemrës dhe ktheni shuplakat nga ana e jashtme. Merrni frymë dhe ngrini duart lart duke ngritur edhe mjekrën edhe gjoksin. Nxirrni frymën dhe lëshoni duart.

Mudra Hakini – Kjo mudër balancon hemisferën e majtë dhe të djathtë të trurit, prandaj është e shkëlqyeshme për ekuilibër, por edhe për funksione kognitive.

Bashkoni duart në Mudra Anjali, d.m.th. në pozitë lutjeje. Gishtat le të preken, mirëpo duke i hapur ngadalë shuplakat ashtu që të duken sikur mbani sferën në shuplaka.

Pastaj sërish afroni lehtë gishtat e të dy duarve sikur të jenë të magnetizuara. Bëjeni këtë disa herë. /Telegrafi/