Grupi Elliott thuhet se i ka dhënë Milanit dritën jeshile për të përputhur kërkesat e Franck Kessie dhe për të rinovuar me mesfushorin e Bregut të Fildishtë.

Corriere della Sera raporton se Milan i ka ofruar Kessie 5.5 milionë euro për të nënshkruar një marrëveshje të re në San Siro, por ish-mesfushori i Atalantas kërkon 6 milionë euro për të rinovuar.

Gianluigi Donnarumma dhe Hakan Calhanoglu lëvizën të dy në transferime falas pasi skaduan kontratat e tyre dhe Milan po përpiqet të shmangë një situatë të ngjashme për 24-vjeçarin.

Drejtuesit në Via Aldo Rossi po përpiqen të bëjnë gjithçka që duhet për të bindur Kessie të qëndrojë, pasi kontrata e tij skadon në qershor të vitit 2022.

Raporti pretendon se fondi Elliott po jep dritën jeshile për të negociuar kushtet dhe për t’iu afruar sa më shumë shumës së kërkuar.

Kessie do të luajë në Lojërat Olimpike në javët e ardhshme, por menaxherët e Rossonerëve do të takohen me George Atangana, i cili përfaqëson lojtarin.

Gazeta zbulon se kuqezinjtë synojnë të mbyllin një marrëveshje me lojtarin që arriti në Milano në korrik të vitit 2017. /Gazeta Express/