Ministri i Mbrojtjes i Izraelit, Avigdor Lieberman, e ka kërcënuar Sirinë se do t’ia shkatërrojë sistemet ajrore të mbrojtjes nëse ato përdorën për t’i sulmuar përsëri aeroplanët luftarakë të Izraelit.
“Herën tjetër kur sirianët i përdorin sistemet e veta ajrore të mbrojtjes kundër aeroplanëve tanë, ne do t’i shkatërrojmë ato pa hezitim,” ka thënë Lieberman për radion publike të Izraelit.
Ushtria izraelite tha se e ka rrëzuar njërën nga disa raketat kundër ajrore me të cilat aeroplanët e saj luftarakë u sulmuan javën që shkoi, në atë që u cilësua si incidenti më serioz mes dy vendeve armike, transmeton Express.
Zyrtarët e forcës ajrore thanë se katër aeroplanë ushtarakë të Izraelit – që ishin në mision për ta shkatërruar një konvoi me armë i cili për destinacion kishte grupin militant të mbështetur nga Irani, Hezbollha – u sulmuan nga tri raketa siriane nga toka, njëra prej të cilave u interceptua nga sistemi ajror i mbrojtjes i Izraelit
