Të paktën shtatë persona janë vrarë në Kashmirin e administruar nga India, pasi është këputur teli i teleferikëve në një lartësi të madhe në vendin turistik Gulmarg, njoftojnë zyrtarët.
Një teleferik është rrëzuar në tokë, duke i vrarë të gjithë persona që ishin në të, transmeton Express.
Ndërkohë, raportohet se mbi 20 persona të tjerë kanë ngecur në teleferikë të tjerë në erëra të forta.
Ka nisur një operacion shpëtimi.
Raportohet se teli është këputur pasi që mbi të kishte rënë një dru i rrëzuar nga era. Në mesin e të vdekurve janë edhe dy fëmijë.
Teleferikët në Gulmarg janë ndër më të lartit në botë.
Zyrtarët kanë thënë se po punojnë fort për ta rregulluar telin e këputur në mënyrë që t’i shpëtojnë persona e ngecur në teleferikë./Express/
