Besoni apo jo, mirëpo shumica e njerëzve ndërron çarçafët çdo dy apo tri javë, duke mos pasur ide se në çka vërtet flenë.

Të gjithë e dimë që gjatë gjumit në trupin tonë ndodhin gjëra të ndryshme, djersitemi më shumë, lëkura na qërohet, por gjithashtu edhe lirohen vajra trupore dhe lëngje të tjera, transmeton Telegrafi.

Në çarçafë është e mundshme të gjeni jargë apo pështymë, lëngje gjenitale dhe fekale, aq më parë nëse flini vetëm në rroba të brendshme.

– Nëse çarçafët nuk i lani rregullisht dhe keni gërvishtje apo plagë të vogla nëpër trup, ato mund të infektohen. Shputa e atletit dhe kërpudhatë tjera mund të merren nga çarçafët e papastër, paralajmëron Mary Marlowe Leverette, eksperte e ndërresave.

Çarçafët duhet ndërruar një herë në javë në mënyrë që të mos bëjmë gjumë johigjienik.

– Larja e rrallë e çarçafëve mundëson depërtimin e lëngjeve trupore dhe e fekaleve edhe në jastëk dhe jorganë, të cilët është shumë më vështirë t’i lani sesa çarçafët.

Sipas një studimi të kryer në vitin 2014, një në 10 njerëz nuk i ndërronin çarçafët e tyre për më shumë se një muaj, ndërsa 35% e tyre i ndërronin njëherë në dy javë.

Vetëm një e treta e shtëpiakeve të përfshira në studim pranuan se i lanin çarçafët njëherë në javë. Të pyetur nga anketuesit se kur i konsideronin të palara çarçafët, gjysma e të anketuarve u përgjigjën midis 2-3 javëve. /Telegrafi/