Kadri. H Rexhepi dhe Besmir Gashi janë fitues të fanellave “LipjaniNews” në lojën shpërblyese për parashikimin e ndeshjes Ukrainë-Kosovë, ku Kosova humbi me rezultat 3:0.
Në këtë lojë kishe shumë komente të cilat parashikonin rezultatin.
Stadiumi i Krakovës tejet pak shikues ishte mikpritëse e duelit të Ukrainës ndaj Kosovës, për shkak se ukrainasit nuk pranuan që ndeshja të zhvillohej në tokën e tyre.
Edhe pse ukrainasit ishin në shumicë, nga fillimi tifozët e Kosovës “Dardanët” të mbledhur nga gjithë Evropa nuk u ndalën për asnjë moment duke përkrahur përfaqësuen tonë.
Bunjaku e filloi takimin me formacion krejt tjetër, ku Shala dhe Meha u inkuadruan në mesfushë, duke rikthye balancat, teksa Vedat Muriqi udhëhoqi sulmin që në krah kishte Rashicën e Valon Berishën. Në mbrojtje startoi Amir Rrahmani. Ukraina nga ana tjetër hyri pa ndryshime në këtë takim, që doli të jetë shumë më i vështirë për ta nga sa e menduan. Ukrainasit dominuan fillimin e pjesës së parë me posedim, por sfida ishte e balancuar dhe pa raste shënimi. Deri në minutën e 30-të, kur Milot Rashica me një lëvizje të bukur shmangu dy lojtarë dhe gjuajti në drejtim të portës së Piyatov, por që u ndal nga ky i fundit. Menjëherë në kundërsulm, Kravets mori një top nga Zinchenko, ku pas një goditje e cila u devijua, e mposhti portierin Samir Ujkani, të cilit topi i kaloi mbi kokë.
