Kryeministri i Japonisë, Shinzo Abe, ka thënë sot se ministri i Jashtëm Japonisë ka zhvilluar një bisedë telefonike me homologun e vet nga Koreja Jugore për të diskutuar rreth testimit të raketës nga Koreja Veriore.
Shotaro Yachi, i cili është edhe këshilltari kryesor për siguri i Abe, ka zhvilluar bisedë telefonike edhe me këshilltarin për siguri kombëtare të SHBA-së, H.R McMaster, ka thënë Abe para gazetarëve, transmeton Express.
“Do të vazhdojmë të bashkëpunojmë nga afër me Shtetet e Bashkuara dhe Korenë Jugore për t’iu përgjigjur situatës në së Koresë Veriore,” ka thënë Abe.
Koreja Veriore ka testuar sot një raketë balistike e cila ra në Detin e Japonisë 30 minuta pasi që ishte shkrepur.
Para këtij testimi, Koreja Veriore i kishte testuar pesë raketa balistike. Vetëm muajin e kaluar i testoi dy, të cilat i dështuan.
Testimet e vazhdueshme të raketave dhe programi bërthamor i Koresë Veriore i ka ngritur tensionet në rajon, e veçanërisht me SHBA-në e cila ka qenë e zëshme kundër tyre.
Në bazë të rezolutave të OKB-së, Koreja Veriore e ka të ndaluar testimin e raketave balistike dhe zhvillimin e programit bërthamor./Express/
