Ish-kryetari i Kuvendit të Kosovës, aktualisht kryetar i Këshillit Kombëtar të Nismës Socialdemokrate, Jakup Krasniqi, ka kritikuar presidentin e vendit, Hashim Thaçi, për idenë e tij për “korrigjim kufijsh” mes Kosovës e Serbisë.
Krasniqi ka thënë në emisionin “DPT Te Fidani”, në televizionin T7, se institucionet e vendit, me në krye Kuvendin e Kosovës, duhet ta mbrojnë Kushtetutën dhe territorin e vendit.
Ai ka porositur se nuk duhet t’i lejohet askujt që të bëjë ndarjen e Kosovës.
E, nëse institucionet dështojnë në këtë drejtim, Krasniqi ka thënë se do të ishte i gatshëm që vetë t’i printe një proteste popullore.
“Me një dokument programatik, të qartë, sa nga duhet të ecën vendi, do të dilja në ballë të demonstratës”, është shprehur ai. /Express/
