Në Manastir për ndër të 108-vjetorit të Alfabetit të Gjuhës Shqipe po organizohen një sërë manifestimesh. Në të njëjtjën kohë policia është vënë në kërkim të autorit që kishte përdhosur objektin e Muzeut një natë më parë.
Pavarësisht premtimeve të shumta të autoriteteve qoftë në vend, të Shqipërisë dhe Kosovës, festa e alfabetit edhe këtë vit ka gjetur objektin e Muzeut në gjendje të rëndë.
Mëngjesin e sotëm nga persona të panjohur është vandalizuar Shtëpia e Alfabetit. Vandalistët kanë thyer derën e shtëpisë, ndërsa në të është ngjitur edhe një grafit ku shkruhej “Vdekje për shqiptarët”, si dhe një afishe me simbolin e partisë në pushtet, VMRO=DPMNE-së, luanin i cili me shpatë ia këput kokat shqiponjës shqiptare.
