Kryeministri i Izraelit, Benjamin Netanyahu, ka deklaruar se presidenti sirian, Bashar Al-Assad, nuk është më imun dhe ka kërcënuar të ndërmarrë sulme direkte kundër tij nëse trupat iraniane nuk tërhiqen nga Siria
Kërcënimet e Netanyahu’t vijnë në fund të udhëtimit të tij diplomatik katër ditor gjatë të cilit ai loboi të liderët evropianë që të marrin një qëndrim më të ashpër ndaj Iranit dhe të ndjekin pas Donald Trump’in në tërheqjen nga marrëveshja bërthamore.
“Bashar Al-Assad nuk është më imun. Nëse ai na sulmon, ne do t’i shkatërrojmë forcat e tij”, tha ai.
Ai shtoi se Izraeli nuk do të tolerojë forcat iraniane në Siri të përdoren kundër Izraelit dhe pasojat nuk do të jenë vetëm për forcat iraniane por edhe për vetë regjimin e Assadit./gazetametro/
