Ka disa ditë që Qeveria e Kosovës, ka marrë masa për ta luftuar koronavirusin.

Përveç mbylljes së shkollave, qeveria ka mbyllur të gjitha kafiteritë dhe restorantet, duke ju bërë thirrje qytetarëve të mos dalin në vende publike.

Të gjitha këto masa kanë ndikuar që të ketë numër të vogël të veturave në trafik dhe kështu të bie edhe numri i tiketave në trafik, transmeton Zëri.info

Nga mbi 1000 tiketa të cilat janë shqiptuar gjatë ditëve normale para epidemisë së koronavirusit, ky numër tashmë ka rënë në 300.

Në raportin e policisë, thuhet se gjatë ditës së djeshme janë shqiptuar 319 tiketa për shkelësit e rregullave të trafikut./ZERI