Raportohet se ISIS-i është duke ofruar një shpërblim prej 1 milion dollarësh për vrasjen e vajzës kurde nga Danimarka, e cila në vitin 2014 hoqi dorë nga studimet universitare për të luftuar kundër këtij grupi terrorist në Siri dhe Irak.
Joanna Palani, 23-vjeçare, momentalisht është në burg duke e pritur gjykimin në Kopenhagën, për akuzat se ishte larguar nga vendi përkundër se e kishte të ndaluar të largohej për 12 muaj në qershor të vitit 2015, transmeton Express.
Dhe, nëse shpallet fajtore, Joanna mund të dënohet deri me dy vite burg, në bazë të ligjeve të reja të hartuara për ta frenuar shkuarjen e luftëtarëve të ISIS-it nga Danimarka në Lindja e Mesme.
“Si mund të përbëj kërcënim ndaj Danimarkës dhe vendeve tjera duke qenë ushtare në një ushtri zyrtare që trajnohet nga Danimarka dhe në mënyrë të drejtpërdrejt e përkrah luftën kundër ISIS-it?” pati shkruar Joanna në Facebook, pak pasi që autoritetet daneze ia kishin konfiskuar pasaportën.
Ajo do të dalë në gjyq më 20 dhjetor, raportojnë mediat daneze./Express/
