Raportet nga Koreja e Jugut përmendin se modelet e iPhone do të kenë një dizajn tjetër të ekranit vitin e ardhshëm.
Apple aktualisht po përballet me probleme të zinxhirit të furnizimit kur bëhet fjalë për linjën aktuale të iPhone të kompanisë. Megjithatë, media koreano-jugore TheElec ka një lajm interesant kur bëhet fjalë për linjën iPhone 14.
Sipas pretendimeve, modelet iPhone Pro për vitin e ardhshëm do të përdorin kamera selfie 48MP “punch-hole”, pra do të kenë një hapje në ekran për kamerën e përparme.
iPhone 14 Pro 6,06 inç dhe iPhone 14 Pro Max 6,7 inç duhet të përdorin panele OLED LG Display LTPO 120 Hz dhe do të jenë të vetmit që do të zbatojnë hapjen e ekranit për kamerat selfie.
iPhone 14 Pro 6.1 inç dhe iPhone 14 Pro Max 6.7 inç pritet të kenë ekranin e përmirësuar, i cili do të heqë prerjen e përdorur në modelet aktuale të iPhone.
Këto ekrane do të prodhohen nga BOE kineze dhe do të jenë ekrane LTPO me shpejtësi rifreskimi 120 HZ.
Vitin e ardhshëm pritet një model i ri iPhone SE dhe do të ketë të njëjtin dizajn si telefoni aktual, me shtimin e lidhjes 5G. /Telegrafi/
