Kampionati Evropian është duke dhuruar spektakël të vërtetë që po mbahet në 12 shtete.

“Euro 2020” është bërë edhe më i veçantë me praninë e shumtë të tifozëve në çdo ndeshje, të cilët kanë munguar nëpër stadiume për më shumë se një vit, shkaku i pandemisë.

Luftë e madhe po bëhet për çmimet individuale në këtë turne, në veçanti për atë të golashënuesit më të mirë.

Cristiano Ronaldo momentalisht, tashmë i eliminuar me Portugalinë, është golashënuesi më i mirë në Euro 2020 me pesë gola.

Pas tij Karim Benzema dhe Patrik Schick kanë shënuar nga 4 gola.

Rrezik s’ka më nga Benzema me Francën të eliminuar, por rrezik ka nga Schick, i cili me Çekinë do të tentojë gjysmëfinalen përballë Danimarkës.

Schick do të kërkojë patjetër golin për të barazuar CR7 dhe për ta kaluar atë deri në finale, pse jo – në futboll asgjë nuk dihet.

Raheem Sterling është një tjetër futbollistë që mund të kërcënojë Ronaldon për “Këpucën e Artë”.

Ai deri më tani ka shënuar 3 gola, derisa nëse Anglia shkon në finale, ka edhe tri ndeshje para vetës për të shënuar më shumë.

Fillimisht sonte Anglia do të kërkojë gjysmëfinalen kundër Ukrainës, sfidë që zhvillohet nga ora 21:00. /Gazeta Express/